உங்கள் உடலில் உள்ள நீர்ச்சத்தை உறிஞ்சக்கூடிய 7 பானங்கள்

தலைவலி, சோர்வு, மன அழுத்தம், மலச்சிக்கல் மற்றும் தோல் வறட்சி இந்த அறிகுறிகள் இருந்தால் உங்கள் உடலில் நீர்ச்சத்து குறைந்துள்ள அறிகுறிகள். ஒவ்வொரு நாளும் உடலுக்கு தேவையான அளவு தண்ணீர் மற்றும் பானங்கள் குடிப்பது மிகவும் முக்கியம்.

ஆனால் நீங்கள் குடிக்கும் எல்லா பானங்களும் உங்களுக்கு தேவையான நீர்ச்சத்தை கொடுக்காது என தெரியுமா? நீங்கள் சத்துள்ள பானங்கள் என விரும்பிக் கொடுக்கும் பல பானங்கள் உங்களுடைய உடலின் நீர் இழப்பை ஏற்படுத்தும் என்பது தெரியுமா? அப்படி என்னென்ன பானங்கள் உங்கள் உடலில் நீர்ச்சத்தை குறைக்கும் என்பதை பற்றி பார்ப்போம்.

1. சோடா

சோடா போன்ற பானங்கள் உண்மையில் சுவையாக இருப்பதை தவிர வேறு எந்த நன்மைகளும் நம்முடைய உடலுக்கு கிடைப்பதில்லை. சோடா போன்ற பானங்களில் சர்க்கரை அதிக அளவில் உள்ளது.

இது நம்முடைய உடலுக்கு எந்தவித நல்லதையும் செய்யாது. சர்க்கரை உங்கள் சருமத்திற்கும், பற்களுக்கும் கெட்டது. அதுமட்டுமில்லாமல் உங்கள் உடலில் கொழுப்பை அதிகரிக்கிறது. இதயம் மற்றும் இரத்த நாளங்களுக்கும் கெட்டது செய்கிறது.

நீரிழிவு அபாயத்தையும் அதிகரிக்கிறது. கூடவே உடலில் நீர்ச்சத்தையும் குறைக்கிறது. ஏனென்றால் உடலிலிருந்து ரத்தத்தில் உள்ள சர்க்கரை விடுபட உங்களை சிறுநீர் கழிக்க வைக்கிறது. நிச்சயமாக உங்கள் உடல் அந்த சர்க்கரையை மட்டுமல்ல அதிக அளவு தண்ணீரையும் வெளியேற்றுகிறது. இதனால் உங்கள் உடலில் நீர்சத்து குறையும்.

2. பீர்

பீர் புத்துணர்ச்சியூட்டும் சூடான வெயில் காலத்தில் குடிக்க ஒரு நல்ல யோசனையாக நமக்குத் தோன்றும். ஆனால் உண்மை இதற்கு நேர்மாறானது. உங்கள் வயிற்றில் செல்லும் அதிகப்படியான ஆல்கஹால் பிரச்சனை ஏற்படுத்தும்.

அதைத்தொடர்ந்து நெஞ்செரிச்சல் பிரச்சனை ஏற்படலாம். உங்கள் கல்லீரலை பொருத்தவரை இது உங்கள் உடலில் நுழைந்த உணவு அல்லது நச்சுக்களை ரத்தத்தில் இருந்து சுத்திகரிக்கிறது. இதில் ஆல்கஹாலும் அடங்கும்.

ஆல்கஹால் தொடர்ந்து எடுத்துக் கொள்வதால் உங்கள் கல்லீரலை பாதிக்கும். இது நீண்ட காலமாக தொடரும் பொழுது உங்கள் கல்லீரல் முழுவதும் பாதிக்கப்படும். உடலில் உள்ள ஒரு குறிப்பிட்ட ஹார்மோன்கள் சிறுநீரகங்களை சிறுநீர் கழிப்பதை உறுதி செய்கிறது.

இந்த ஹார்மோன் உங்கள் உடலுக்கு அதிக திரவம் மற்றும் நீர் தேவைப்படும் பொழுது சிறுநீர் கழிக்கும் தேவையை குறைக்கிறது. ஆனால் உங்கள் இரத்தத்தில் உள்ள ஆல்கஹால் இந்த ஹார்மோனை வேலை செய்ய விடாமல் தடுத்து நிறுத்துகிறது.

இதனால் உங்களுக்கு அடிக்கடி சிறுநீர் கழிக்கும் எண்ணம் ஏற்படும். நீங்கள் எவ்வளவு அதிகமாக குடிக்கிறீர்களோ அவ்வளவு திரவம் உங்கள் உடலில் இருந்து வெளியேறுகிறது. இது இறுதியில் நீர் இழப்பு மற்றும் தலைவலியை ஏற்படுத்தும்.

3. ஒயின் மற்றும் மது பானம்

ஒயின் மற்றும் மது பானம் பீர் போன்ற அதே பிரச்சினைகளை ஏற்படுத்துகிறது. ஆனால் ஆல்கஹால் அதிகமாக இருப்பதால் பானத்தை அதிகம் நீரேற்றம் செய்கிறது. 12 சதவீதம் ஆல்கஹால் கொண்ட ஒரு கிளாஸ் மதுவை விட 40 சதவிகித ஆல்கஹால் கொண்ட மதுபானம் அதிக அளவு நீர் இழப்பை ஏற்படுத்தும்.

ஒரு பீர் சுமார் 5 சதவிகித ஆல்கஹால் அளவை கொண்டிருக்கும். ஆனால் சதவிகிதம் பத்தை விட அதிகமாக உள்ள எந்த ஒரு ஆல்கஹால் சேர்ந்த பானமும் மிகப்பெரிய அளவு நீர் இழப்பை ஏற்படுத்துகிறது. இந்த பானங்கள் மூலம் அதிகமான நீர்ச்சத்து உங்கள் உடலை விட்டு வெளியேறும்.

4. காபி

காபி சரியாக சொன்னால் காஃபின். பலருக்கு படுக்கையிலிருந்து எழுந்து கூடுதல் ஆற்றலுடன் நாளை தொடங்க ஒரு நல்ல உந்துதல் பெட் காபி குடிப்பது. காஃபின் நம்முடைய உடலுக்கு அவசியம் இல்லாத ஒன்று.

மிகச்சிறிய அதை உட்கொண்டால் அது ஒரு சில நல்ல விளைவுகளை ஏற்படுத்தும். இருப்பினும் அதிகமாக உள்ள காபி குடிப்பது நீரிழப்பை ஏற்படுத்தும். அதிகப்படியான காஃபின் என்பது ஒரு நாளைக்கு 200 லிருந்து 300 மில்லி கிராமுக்கு மேல் அல்லது 3 கோப்பைகள் சமம்.

காஃபின் சோடியம் வெளியேறுவதை ஊக்குவிக்கிறது. இதன் விளைவாக சோடியம் நீர் சத்தை உறிஞ்சுகிறது. இதனால் நீங்கள் அதிகமாக சிறுநீர் கழிக்க வேண்டியிருக்கும். எனவே காஃபின் நீரிழப்பை ஏற்படுத்தும்.

மட்டுமல்ல பலர் காபி அதிக இனிப்பாக குடிக்க வெள்ளை சர்க்கரையை பயன்படுத்துகிறார்கள். வெள்ளை சர்க்கரையிலும் நீர் இழப்பை ஏற்படுத்தும் அம்சங்கள் உள்ளன.

5. எலுமிச்சை

கோடை காலத்தில் அதிக வெப்பமாக இருக்கும் பொழுது நாம் எலுமிச்சைபழம் அருந்த நினைப்போம். நல்ல யோசனை தான் ஆனால் எலுமிச்சையை வெறும் தண்ணீருடன் சேர்த்து குடிப்பது நல்லது.

ஆனால் இனிப்பிற்காக வெள்ளை சர்க்கரை சேர்க்கும் போது அது நீர் சத்தை உறிஞ்சி விடும். ஆகையால் உங்கள் உடலில் நீர்ச்சத்தை அதிகரிக்க வேண்டுமானால் லெமன் மற்றும் தண்ணீருடன் உப்பு அல்லது வெள்ளை சர்க்கரை சேர்க்காமல் குடிக்க வேண்டும்.

6. ஆற்றல் பானங்கள்

எனர்ஜி பானங்களில் காபின் மட்டுமே சேர்க்கப்படுவதில்லை. கூடவே சர்க்கரைகள் மற்றும் ரசாயனங்கள் சேர்க்கப்பட்டிருக்கும். இந்த பானம் உங்களுக்கு வழங்கும் ஆற்றல் நீண்ட நேரத்திற்கு உங்களுக்கு ஆற்றலை கொடுக்காது.

உங்கள் எனர்ஜி அதிகரிக்க நீங்கள் எனர்ஜி பானங்களை உட்கொண்டால் அந்த நேரத்திற்கு மட்டுமே எனர்ஜியை கொடுப்பது போல இருக்கும். விரைவில் நீர் இழப்பை ஏற்படுத்திவிடும்

7. சர்க்கரை சேர்த்த பால்

பாலை சர்க்கரை சேர்க்காமல் நீங்கள் குடிக்கும் பொழுது அது உடலில் நீர்ச்சத்தை அதிகரிக்கும். மேலும் பாலில் கால்சியம், வைட்டமின் டி மற்றும் புரதங்கள் போன்ற நன்மை பயக்கும் பொருள்களும் உள்ளன.

ஆனால் பாலில் வெள்ளை சர்க்கரை கலந்து குடிக்கும் பொழுது இந்த நன்மைகள் உடலுக்கு கிடைக்காது. மேலும் உடலுக்கு கிடைக்கும் நீர்ச்சத்தை இந்த வெள்ளை சர்க்கரை காரணமாக உடலில் இருந்து சிறுநீர் வழியாக வெளியேற்றி விடும். இதனால் நீரிழப்பு ஏற்படும்.

ஆகையால் இந்த பானங்களை தவிர்த்து தண்ணீர் மற்றும் பழ வகைகளை அதிகம் எடுத்துக் கொண்டு உங்கள் உடலில் நீர் சத்து அதிகரிக்க செய்யுங்கள்

Leave a Reply

Your email address will not be published. Required fields are marked *