September 28, 2022
டிப்ஸ்

உங்க வீட்டு ரோஜா செடி பூக்கவே மாட்டேங்குதா? இத மட்டும் பண்ணுங்க கொத்து கொத்தா பூக்கும்…!

நம் வீட்டில் ரோஜா செடியை வளர்க்கும் போது பல விஷயங்களை நாம் தெரிந்து கொள்வது அவசியம். அப்பொழுதுதான் செடியில் அதிக பூக்கள் பூக்கும். செடிகள் ஆரோக்கியமாக வளர்வதற்கும் பூக்கள் பூப்பதற்கும் நாம் என்ன செய்ய வேண்டும் என்பதை பற்றி இந்த பதிவில் பார்த்து தெரிந்து கொள்வோம்.

நீங்கள் ரோஜா செடியை வாங்கும்பொழுது அதில் பூக்கள் பூத்திருக்கும். நீங்கள் வாங்கிய பிறகு ரோஜா செடியில் பூக்கள் இருந்தால் அதனை பறித்து விடுங்கள். அப்பொழுதுதான் கிளைகள் வளரத் தொடங்கி அதிக ரோஜா மொட்டுக்கள் தளிர் விட ஆரம்பிக்கும். எனவே நீங்கள் ரோஜா செடிகள் வாங்கிய உடன் செய்யவேண்டிய முதல் வேலை அதில் இருக்கும் பூக்களை பறித்து விடுவதுதான்.

ரோஜா செடிகள் ஆரோக்கியமாக இருப்பதற்கு மண் கலவையுடன் நீங்கள் வேப்பம் புண்ணாக்கு சேர்த்து செடிகளை நடலாம். இது பெரும்பாலும் உரக் கடைகளில் உங்களுக்கு கிடைக்கும். இவ்வாறு நாம் செடி நடும்போது பூச்சிகளால் ஏற்படும் பாதிப்புகள் இன்றி செடி ஆரோக்கியமாக வளரும்.

​பூச்சிக்கொல்லி மருந்துகள்:

நாம் வாங்கும் ரோஜா செடிகளுக்கு செயற்கையாக விற்கப்படும் பூச்சிக்கொல்லி மருந்துகளை பயன்படுத்தாதீர்கள்.

இயற்கையாக சில பூச்சிக்கொல்லி மருந்துகளை நாம் வீட்டிலேயே தயாரித்துக் கொள்ளலாம்.
சிறிது வேப்ப இலைகளை எடுத்து, அதனுடன் நாலைந்து பூண்டு தோலை சேர்த்து, சிறிது தண்ணீர் ஊற்றி மிக்சியில் நன்றாக அரைத்துக் கொள்ளவும். பின்னர் இந்த கலவையை வடிகட்டி எடுத்துக் கொள்ளுங்கள்.

இதனை ஒரு ஸ்ப்ரே பாட்டிலில் அடைத்து செடிகளுக்கு ஸ்பிரே செய்து வந்தால் பூச்சி தொல்லை இல்லாமல் இருக்கும். பூச்சிகள், எறும்புகள் போன்றவற்றில் இருந்து நம் செடிகளை பாதுகாக்க முடியும்.

நாம் பல நாட்களாக வளர்த்து வரும் செடிகளுக்கு எந்தவிதமான புதிய முயற்சிகளையும் செய்து பார்க்கலாம். ஆனால் புதிதாக வாங்கும் செடிகளை தொடக்கத்திலிருந்து இயற்கையாக பராமரிப்பது நல்லது.

​செடிகளை நடுதல்:

பல்வேறு வகையான ரோஜா செடிகள் உள்ளன. எனவே நாம் எந்த வகையான ரோஜா செடியை வாங்குகிறோம் என்பதை முன்பே அறிந்திருப்பது அவசியம். நன்கு சூரிய ஒளி படும் இடங்களில் ரோஜாக்களை வைக்க வேண்டும். அடிக்கடி இடங்களை மாற்றாதீர்கள்.

சரியான இடத்தை ரோஜாவுக்கு தேர்ந்தெடுத்த பிறகு நீங்கள் நல்ல தரமான உரம் நிறைந்த மண்ணை பயன்படுத்த வேண்டும். குறைந்தது இரண்டு அடி வரை குழிதோண்டி ரோஜாக்களை நடவேண்டும். உரம் மற்றும் களிமண் சேர்த்து நீங்கள் மண் கலவையை தயார் செய்யலாம்.

​தண்ணீரின் அவசியம்:

ரோஜா செடிகள் வளர்வதற்கு தண்ணீர் இன்றியமையாதது. வறண்ட வானிலையில் குறைந்தது வாரத்திற்கு ஒரு முறை செடிகளுக்கு தண்ணீர் ஊற்றுவது அவசியம். முடிந்தளவு நீங்கள் செடிகளுக்கு தண்ணீர் விடும் போது இலைகளில் நீர் படாமல் விடுங்கள்.

​உதிரும் நிலையில் உள்ள மலர்கள்:

உதிரும் நிலையில் உள்ள மலர்களை அகற்றுவது புதிய பூக்கள் வளர்வதை ஊக்குவிக்கிறது. பெரும்பாலான ரோஜாக்கள் வசந்த காலத்தில் இருந்து இலையுதிர் காலத்தின் பிற்பகுதி வரை மீண்டும் பூப்பதால் உதிரத் தொடங்கலாம்.. எனவே நாம் பார்க்கும் போதெல்லாம் உதிரக்கூடிய மலர்களை அகற்றி விடுவது சிறந்தது.

​கவாத்து செய்தல்:

செடிகளை சரியான முறையில் கவாத்து செய்து விடும்போது, அது அடர்த்தியாக வளர அதன் வளர்ச்சியை ஊக்குவிக்கும். ஆனால் இவ்வாறு வருடத்திற்கு ஒரு முறை மட்டுமே செய்ய வேண்டும். குறிப்பாக வசந்த காலத்தில் நீங்கள் இது போன்ற முயற்சிகளை மேற்கொள்ளலாம்.

​ரோஜாக்களை உண்ணும் பூச்சிகள்:

ரோஜாக்களின் மணம் பட்டாம்பூச்சிகள், தேனீக்கள் மற்றும் பிற பூச்சிகளை அவற்றை நோக்கி ஈர்க்கின்றன. ரோஜாக்களை உண்ணும் பூச்சிகளில் பெரும்பாலானவை அவற்றில் சேதத்தை ஏற்படுத்துகின்றன. இந்த நேரத்தில் நீங்கள் பூச்சிக்கொல்லி மருந்துகளை தேர்ந்தெடுக்கலாம்.

இந்த முறைகளை பின்பற்றி நீங்கள் ரோஜா செடிகளை வளர்த்தல் பூக்கள் பூத்து குலுங்கும்.

Related posts

Leave a Comment