August 18, 2022
சமையல்

சுவையான ஸ்பெஷல் மட்டன் கிரேவி செய்வது எப்படி ?

பொதுவாக சிக்கன் உடலுக்கு சூடு என்பதால் பெரும்பாலோனோர் விரும்பி உண்ணும் அசைவ உணவாக மட்டன் உள்ளது. வார இறுதி நாட்களில் நமது அனைவரது வீட்டிலும் அசைவம் உண்பது வழக்கம். இந்த பதிவில் சுவையான ஸ்பெஷல் மட்டன் கிரேவி எப்படி செய்வது என்று பார்ப்போம்…

தேவையான பொருட்கள்:

மட்டன் – 1/2 கிலோ(எலும்புடன் கூடிய இறைச்சி)

தக்காளி – 2(அரைத்தது)

வெங்காயம் – 2(அரைத்தது)

இஞ்சி பூண்டு விழுது – 2 டேபிள் ஸ்பூன்

மிளகாய் தூள் – 1 டீஸ்பூன்

தயிர் – 1 கப்

கரம் மசாலா – 1 டேபிள் ஸ்பூன்

சீரகம் – 1 டேபிள் ஸ்பூன்

எலுமிச்சை சாறு – 1 டீஸ்பூன்

பட்டை மற்றும் கிராம்பு பொடி – 1 டீஸ்பூன்

எண்ணெய் – 2 டேபிள் ஸ்பூன்

தண்ணீர் – 1 கப்

கொத்தமல்லி – 2 டேபிள் ஸ்பூன்(நறுக்கியது)

செய்முறை:

முதலில் மட்டனை நன்கு சுத்தமாக கழுவிக் கொள்ள வேண்டும்.

பின்னர் ஒரு குக்கரை அடுப்பில் வைத்து, அதில் எண்ணெய் ஊற்றி காய்ந்ததும், சீரகத்தை போட்டு மிதமான தீயில் வைத்து தாளித்துக் கொள்ள வேண்டும்.

பின் அரைத்து வைத்துள்ள வெங்காயம் மற்றும் தக்காளியை சேர்த்து ஐந்து முதல் ஏழு நிமிடங்கள் வதக்க வேண்டும்.

பின்னர் இஞ்சி பூண்டு விழுது சேர்த்து, ஐந்து நிமிடம் வதக்கி, தயிர், மிளகாய் தூள், உப்பு, கரம் மசாலா, பட்டை மற்றும் கிராம்பு பொடி, எலுமிச்சை சாறு, இவை அனைத்தையும் சேர்த்து நன்கு கிளறி விட வேண்டும்.

பின்னர் மட்டனை சேர்த்து நன்கு வதக்க வேண்டும்.

பின்னர் தேவையான அளவு தண்ணீர் ஊற்றி, குக்கரை மூடி, மிதமான தீயில் வைத்து மூன்று முதல் நான்கு விசில் விட்டு இறக்கினால் மிகவும் சுவையான ஸ்பெஷல் மட்டன் கிரேவி ரெடி.

Related posts

Leave a Comment