August 18, 2022
உடல்நலம் லைப் ஸ்டைல்

தாய்ப்பால் கொடுக்கிறதுக்கு முன்னாடி இளம் தாய்மார்கள் இதெல்லாம தெரிஞ்சுக்கணும்….

தாய்ப்பாலின் மகத்துவத்தை அனைவருமே எளிதில் புரிந்து கொள்ள முடியும். எனினும் இதன் முக்கியத்துவத்தை உணர்ந்து தாய்ப்பாலை தவிர்க்காமல் கொடுக்கவே ஆகஸ்ட் ஒன்று முதல் ஏழு வரை தாய்ப்பால் வாரம் கொண்டாடப்படுகிறது.

குழந்தை பிறந்து முதல் ஒரு வருடம் தாய்ப்பால் மட்டுமே குழந்தைக்கு பிரதானமான உணவாகும். அதனால் இதில் எந்தக் குறையும் வைக்காமல் தாய்ப்பாலை புகட்ட வேண்டியது ஒவ்வொரு தாய்மார்களின் கடமையாகும்.

இன்றைய இளம் தாய்மார்களுக்கு குழந்தைகளுக்கு எப்படி தாய்ப்பால் கொடுக்க வேண்டும் என்பது குறித்த போதிய விழிப்புணர்வு இல்லை. இதுகுறித்து ஆயுர்வேதத்தில் ஆச்சார்யா சரகர் விரிவாக எழுதி வைத்துள்ளார்.

தாய்ப்பால் கொடுக்கும் பெண்கள் தினமும் இரண்டு வேளை கட்டாயம் குளிக்க வேண்டும். ஒவ்வொரு முறை தாய்ப்பாலூட்டும் போதும், மார்பகத்தை சுத்தமாகி விட்டுத்தான் குழந்தைகளுக்கு தாய்மார்கள் பால் புகட்ட வேண்டும். தாய்ப்பால் புகட்டும் முன்பு, பிரம்மி, அமோகா, சதாவரி உள்ளிட்ட பிரஜாஸ்தாபன் மருந்துகளை தலையில் கட்டிக் கொள்ளவும் வேண்டுமாம்.

தாய்ப்பால் புகட்டுவதற்கு முன்பு மார்பகங்களை சுத்தமாக கழுவிக் கொள்ள வேண்டும். தாய்ப்பாலை குழந்தை அருந்துவதற்கு முன்பு சிறிது பாலை பீய்ச்சி விட்டு அதன் பிறகே குழந்தைக்கு பால் கொடுக்க தொடங்க வேண்டும்.

ஆச்சார்யா கஷாயபர் கூற்றின்படி, குழந்தைகளுக்கு தாய்ப்பால் புகட்டுவதால் அவர்களின் வளர்ச்சி, அறிவுத்திறன், வலிமை, நீண்ட ஆயுள், ஆரோக்கியம் ஆகியவை மேம்படுமாம். நோய்களும் அத்தனை சீக்கிரம் அண்டாதாம்.

பிறந்த குழந்தைகளுக்கு இயற்கை வழங்கிய மிகச் சிறந்த ஊட்ட பானம் தாய்ப்பால்தான். அதில் பல நன்மைகள் உள்ளன. குழந்தைகளுக்கு மட்டுமல்ல, தாய்மார்களுக்கும் கூட நல்லது உள்ளது.

தாய்ப்பாலில் அனைத்து சத்துக்களும் உள்ளன. குழந்தைகளுக்குத் தேவையான அனைத்து ஊட்டமும் அதில் இடம் பெற்றுள்ளது. கார்போஹைட்ரேட்டுகள், லிபிடுகள், புரதம், வைட்டமின், தாதுக்கள், தண்ணீர் என அனைத்துமே அதில் உள்ளன.

குழந்தைக்கு பல் முளைக்க ஆரம்பித்த பிறகு பால் கொடுப்பதை கொஞ்சம் கொஞ்சமாக குறைக்கலாம். மெதுவாக பசும்பாலைக் கொடுக்க ஆரம்பிக்கலாம். கூடவே ஊட்டச்சத்துள்ள உணவுகளையும் கொடுக்க ஆரம்பிக்கலாம். திட உணவுகளையும் மெதுவாக கொடுக்க ஆரம்பிக்கலாம்.

பிறந்த ஆறு முதல் பனிரெண்டு மாதங்களில் பெரும்பாலான குழந்தைகள் தாய்ப்பால் குடிக்கும் அளவை குறைக்க ஆரம்பித்து விடும். முதல் ஆறு மாதம் வெறும் தாய்ப்பாலை மட்டுமே கொடுக்கலாம். அதன் பிறகு மெதுவாக இணை உணவைப் பழக்க வேண்டும்.

சில தாய்மார்களுக்கு தாய்ப்பால் புகட்டுவதில் பல சிரமங்கள் வரலாம். தாய்ப்பால் புகட்டுவதால் உடலில் சத்து குறைபாடும் ஏற்படலாம். இது தாய்மார்களுக்கு மட்டுமல்லாமல் குழந்தைகளையும் கூட பாதிக்கும். பசி, சோர்வு, காய்ச்சல், டயட்டில் இருப்போர், உடல் ரீதியான பாதிப்புகள் கொண்டோர் குழந்தைகளுக்கு தாய்ப்பால் புகட்டக் கூடாது.

Related posts

Leave a Comment